Tenglar laga ekki ruglingslegt efni
Ef grein er óskýr, segir of margt í einu eða leiðir lesandann hvergi, þá hjálpa innri tenglar bara takmarkað. Þeir virka best þegar efnið sjálft er byggt upp með skýru hlutverki.
Þessi grein fjallar því ekki um tenglana sjálfa. Hún fjallar um hvernig þú skipuleggur síður og efni svo tenglarnir hafi eitthvað skýrt að vinna með.
Í svona uppbyggingu þarf líka að vera skýrt hvaða síða ber breiðasta intentið. Ef þú vilt vinna orðið leitarvélabestun á einni aðalsíðu má restin af efninu ekki dragast í sömu átt.
Byrjaðu á að ákveða hlutverk hverrar síðu
Algeng mistök eru að margar síður reyni að gera sama hlutinn:
- tvær bloggfærslur svara sömu spurningu
- þjónustusíða og grein skarast of mikið
- síða sem ætti að vera aðalsíða er grafin djúpt inni
Betri nálgun er að skilgreina hlutverk:
- hvaða síða er aðalsíðan um efnið
- hvaða greinar útskýra undiratriði
- hvaða síða á að færa lesandann í næsta skref
Hvernig lítur skýr uppbygging út?
Tökum dæmi um efni um SEO fyrir lítið fyrirtæki.
Skýr uppbygging gæti verið:
- aðalsíða eða þjónustusíða um SEO
- grein um leitarorð
- grein um meta titla og lýsingar
- grein um innri tengla
- grein um tæknilegan grunn
Þá hefur hver síða hlutverk. Lesandinn fær ekki fimm mjög svipaðar greinar heldur eina leið áfram í gegnum efnið.
Spurningar sem hjálpa áður en þú skrifar eða endurskipuleggur
Spyrðu þetta um hverja síðu:
- hvað á þessi síða að gera?
- hvað á hún að útskýra sem aðrar síður gera ekki?
- á hún að vera fyrsta stopp eða næsta stopp?
- hvaða síða á að taka við af henni?
Ef svarið er óskýrt er uppbyggingin líklega óskýr líka.
Dæmi um veika og sterka uppbyggingu
Veik uppbygging
- grein um innri tengla
- önnur grein um innri tengla og efnisuppbyggingu
- þriðja grein sem nefnir sama efni aftur án skýrrar aðgreiningar
Lesandinn veit þá ekki hvað hann á að lesa fyrst eða af hverju næsta grein er til.
Sterkari uppbygging
- grein um leitarorð: hvaða síða á að vinna hvaða efni
- grein um on-page: hvernig síða er byggð upp
- grein um innri tengla: hvernig síður tengjast í textanum
- þessi grein: hvernig allar þessar síður vinna saman sem heild
Þá verður vefurinn auðveldari í notkun og miklu auðveldara að bæta nýju efni við.
Hvernig þetta tengist innri tenglum
Greinin um innri tengla og SEO á að hjálpa þér að velja sjálfa tenglana:
- hvar þeir eiga að vera
- hvernig þeir eiga að hljóma
- hvaða síður eiga að fá þá
Þessi grein á hins vegar að hjálpa þér að ákveða:
- hvaða síður eiga að vera til
- hvernig þær raðast
- hvaða síða styður aðra
Þegar þetta tvennt fer saman verður vefurinn miklu skýrari.
Hvað á að laga fyrst á vef sem er orðinn ruglingslegur?
Byrjaðu svona:
1. skrifaðu niður 10 til 20 mikilvægustu síðurnar 2. merktu við hvað hver síða á að gera 3. finndu síður sem skarast of mikið 4. sameinaðu, aðgreindu eða endurfókuseraðu þær 5. bættu svo innri tenginguna ofan á þá uppbyggingu
✅
Þetta er oft mun áhrifameira en að bæta bara fleiri tenglum inn í gamalt efni.
Niðurstaða
Efnisuppbygging ræður því hvort vefurinn hljómar eins og heild eða safn af síðum sem urðu til af handahófi. Þegar hlutverk síðanna er skýrt verða innri tenglar, on-page vinna og næstu skref miklu einfaldari.
