Google Ads kostar sjaldnast það sem fólk heldur
Þegar fyrirtæki spyrja hvað Google Ads kosti eru þau oft að meina þrjá ólíka hluti í einu.
1. Hvað fer mikið í sjálfa birtinguna? 2. Hvað kostar að setja herferðirnar rétt upp og halda þeim við? 3. Hvað þarf vefurinn eða lendingarsíðan að geta gert svo budgetið fari ekki til spillis?
Þess vegna er rangt að leita að einni tölu sem á að passa öllum. Google Ads fyrir lögfræðistofu, tannlækni, ferðaþjónustu og netverslun hegðar sér ekki eins. Sama upphæð getur verið allt of há í einu tilfelli og allt of lág í öðru.
Ef þú vilt samt stutta útgáfu er hún þessi: Google Ads kostnaður skiptist venjulega í auglýsingabudget, umsýslu eða uppsetningarvinnu og stundum lagfæringar á síðunni sem tekur á móti umferðinni. Hjá 55.is byrjar auglýsingaumsjón frá 129.000 kr. á mánuði, en heildarkostnaður ræðst af samkeppni, markmiði, magni leita og því hversu tilbúið fyrirtækið er í raun til að breyta smellum í viðskipti.
Það sem þú ert í raun að kaupa þegar þú ferð í Google Ads
Google Ads er ekki bara spurning um að kaupa smelli. Þú ert að kaupa aðgang að fólki sem er annaðhvort að leita beint að lausn eða er nógu nálægt kaupákvörðun til að rétt skilaboð geti ýtt því áfram.
Kostnaðurinn fer því ekki bara eftir því hvað einn smellur kostar. Hann fer líka eftir því:
- hvort þú sért að target-a leit með skýrum kaupásetningi eða víðara audience
- hvort auglýsingin sé í Search, Performance Max, Display eða blöndu
- hvort account-ið sé vel byggt eða fullt af gömlu rusli
- hvort tracking virki í alvöru
- hvort síðan sem umferðin lendir á hjálpi fólki að taka næsta skref
Google bendir sjálft á að raunverulegur smellikostnaður sé oft lægri en hámarksboð og ráðist af uppboði þar sem meðal annars skipta máli relevans, væntanlegt smellihlutfall og lendingarsíðuupplifun. Í praktík þýðir það að slappar herferðir borga oft meira fyrir verri umferð en betur unnið account.
Þrjú kostnaðarlög sem fyrirtæki þurfa að skilja
1. Auglýsingabudgetið sjálft
Þetta er peningurinn sem fer beint til Google.
Í sumum geirum getur lítið test-budget dugað til að fá fyrstu merki um hvað virkar. Í öðrum geirum færðu varla næg gögn nema budgetið sé nógu stórt til að ná reglulegum smellum, símtölum eða fyrirspurnum.
Það sem skiptir máli er ekki að byrja sem lægst. Miklu mikilvægara er að byrja á upphæð sem getur svarað raunverulegri spurningu, til dæmis:
- hvaða leitarorð skila fyrirspurnum
- hvaða auglýsingaskilaboð fá rétta fólkið til að smella
- hvort lendingarsíðan loki sölunni eða stoppi ferðina
Ef budgetið er svo lágt að herferðin nær varla að keyra fæst oft enginn lærdómur, bara óljós tilfinning um að Google Ads hafi ekki virkað.
2. Umsýslan og vinnan í kring
Þetta er hluti sem margir vanmeta.
Google Ads sem er sett upp einu sinni og látið svo vera verður fljótt dýrara en það þarf að vera. Það þarf að fylgjast með leitarskilmálum, neikvæðum leitarorðum, tilboðsstrategíu, skiptingu á campaignum, auglýsingatextum og því hvort conversion tracking sé enn að telja rétt.
Þess vegna er eðlilegt að greiða ekki bara fyrir budgetið sjálft heldur líka fyrir:
- uppsetningu
- mælingar
- reglulega yfirferð
- prófanir
- hagræðingu
- skýrari forgangsröðun þegar gögnin byrja að tala
Án þess verður Google Ads oft ekki stefna heldur bara útgjaldalína.
3. Síðan sem á að umbreyta umferðinni
Þetta er kostnaðarliður sem birtist ekki inni í Google Ads en ræður samt miklu um arðsemi.
Ef fólk smellir inn á hæga, óskýra eða of almenna síðu hækkar raunverulegur kostnaður á hverja fyrirspurn mjög hratt. Þá er ekki nóg að laga campaignið eitt og sér. Þá þarf stundum að bæta skilaboðin, eyðublaðið eða jafnvel byggja betri lendingarsíðu.
Þess vegna tengist ákvörðunin um Google Ads oft beint greinunum Lendingarsíða eða vefsíða? Hvað á að byggja þegar markmiðið er fleiri fyrirspurnir og SEO eða Google Ads: hvað ættir þú að velja fyrst?. Budgetið skilar ekki miklu ef móttakan er veik.
Hvað ræður því hvort Google Ads verði ódýrt eða dýrt
Það er engin heiðarleg leið til að lofa föstum smellikostnaði fyrir öll fyrirtæki. En þessir þættir ýta kostnaðinum mest upp eða niður.
Samkeppnin í leitinni
Ef margir bjóða í sömu leit hækkar pressan. Það á sérstaklega við þegar leitin sýnir skýran kaupásetning og margir aðilar vilja sama smellinn.
Gæði account-sins
Vel uppsett herferð með skýrri skiptingu, góðum leitarorðum og auglýsingum sem passa við leitina getur keypt betri umferð fyrir skynsamlegri pening. Slæm uppsetning gerir hið gagnstæða.
Gæði lendingarsíðunnar
Google lítur meðal annars til lendingarsíðuupplifunar í uppboðinu. En jafnvel þótt þú náir smellinum á góðu verði skiptir meira máli hvað gerist eftir smellinn.
Markmiðið sjálft
Herferð sem á að fá símtöl fyrir eina afmarkaða þjónustu er önnur tegund verkefnis en account sem á að keyra mörg tilboð, remarketing og fleiri channel undir sama þaki.
Hversu hratt þú þarft niðurstöðu
Ef markmiðið er að læra hratt þarf budgetið að vera nógu stórt til að gefa merki. Það er oft óhagkvæmt að spara sig niður í of lítið test.
Svona er skynsamlegra að hugsa um budget en að elta eina tölu
Betri spurning en „hvað kostar Google Ads?“ er oft þessi:
- *Hvað þarf ég að eyða mikið til að fá marktækan lærdóm eða raunverulegar fyrirspurnir?**
Fyrir lítið eða meðalstórt þjónustufyrirtæki er skynsamlegt að hugsa í þremur stigum.
Byrjunarstig
Markmiðið er að koma trackingi, skilaboðum og fyrstu herferðum í lag. Hér á budgetið fyrst og fremst að kaupa lærdóm, ekki fullkomna skilvirkni frá degi eitt.
Sönnunarstig
Þá ertu farin eða farinn að sjá hvaða leit, hvaða auglýsingar og hvaða síður skila raunverulegum fyrirspurnum. Á þessu stigi verður auðveldara að sjá hvort það borgi sig að hækka budget, þrengja fókus eða bæta síðuna.
Vaxtarstig
Þegar grunnurinn er kominn í lag er hægt að skala það sem þegar sýnir merki um arðsemi. Þá er Google Ads ekki lengur bara test heldur hluti af stöðugu lead- eða söluflæði.
Þetta er líka ástæða fyrir því að lágmarksbudget sem hljómar vel er ekki alltaf hagkvæmt. Stundum er betra að fara skýrt inn í afmarkað test í stuttan tíma en að dreifa of lítilli upphæð þunnt yfir of margar vikur.
Tvö mistök sem láta Google Ads líta dýrara út en það er
Að blanda of mörgu saman of snemma
Fyrirtæki setja stundum Search, Display, remarketing og Performance Max af stað í einni þoku áður en þau vita hvað á að mæla. Þá verður erfitt að sjá hvað er í raun að skila.
Að dæma herferðina áður en grunnurinn er kominn í lag
Ef tracking er brotið, engin neikvæð leitarorð eru komin inn og síðan svarar spurningunni illa, þá er of snemmt að álykta að Google Ads sé of dýrt. Þá er vandinn oftar framkvæmdin en channel-ið sjálft.
Hvenær Google Ads borgar sig síður
Stundum er skynsamlegra að hægja á sér áður en farið er af stað.
Google Ads er veikara næsta skref ef:
- þú ert ekki með skýrt offer
- engin góð síða er til að taka á móti umferðinni
- þú getur ekki mælt fyrirspurnir, símtöl eða kaup
- budgetið er svo lágt að þú munt ekki fá næg gögn
- þú ert í raun að leita að langtíma lífrænni sýnileika sem hentar betur með SEO
Í þeim tilfellum er betra að laga grunninn fyrst en að kaupa dýra óvissu.
Við myndum yfirleitt byrja á þessum spurningum:
1. Hvað selur fyrirtækið nákvæmlega? 2. Hvaða leit eða audience bendir sterkast til kaupa eða fyrirspurnar? 3. Hvert á umferðin að lenda? 4. Hvað telst conversion í þessu verkefni? 5. Er markmiðið að sanna eftirspurn, bæta arðsemi eða skala það sem þegar virkar?
Þegar þessi atriði liggja fyrir verður auðveldara að áætla bæði budget og vinnu. Þá er hægt að ræða raunhæfan kostnað í stað þess að giska á tölu sem hljómar þægilega.
Ef þú vilt stutta niðurstöðu
Google Ads kostar ekki bara x krónur á mánuði. Það kostar það sem þarf til að:
- ná til rétta fólksins
- safna nægum gögnum
- halda account-inu hreinu og skýru
- tryggja að smellir geti orðið að fyrirspurnum eða sölu
Fyrir sum fyrirtæki er það lítið og afmarkað byrjunarverkefni. Fyrir önnur þarf meira budget og meiri eftirfylgni frá byrjun. Rétta spurningin er því sjaldnast hvað minnsti mögulegi kostnaður sé. Rétta spurningin er hvaða uppsetning gefur þér raunverulegan lærdóm og raunveruleg viðskipti.
Ef þú ert að meta hvort Google Ads séu rétta næsta skrefið fyrir þig skaltu byrja á stafrænum auglýsingum. Ef þú ert líka að velta fyrir þér hvernig þú eigir að verja markaðsfénu fyrst er gagnlegt að lesa SEO eða Google Ads: hvað ættir þú að velja fyrst?.
Heimildir sem styðja grunnatriðin í kostnaðarlógíkinni:
