SEO fyrir nýja vefsíðu: gátlisti áður en þú setur síðuna í loftið

Ný vefsíða er ekki tilbúin bara af því hún lítur vel út

Mörg fyrirtæki leggja mikla vinnu í hönnun, texta og launch-dag, en uppgötva svo of seint að nýi vefurinn var ekki raunverulega tilbúinn fyrir leit. Síður fara ekki í index, gömul umferð hverfur, form eru ekki mæld rétt eða lykilsíður segja of óskýrt hvað fyrirtækið gerir.

Þá er vandinn yfirleitt ekki að "SEO virkaði ekki". Vandinn er að SEO var ekki hugsað sem hluti af launchinu.

Þessi grein er fyrir fyrirtæki sem eru að fara með nýjan vef í loftið eða endurútgefa eldri síðu og vilja passa að grunnurinn sé í lagi áður en fyrstu vikurnar fara í viðgerðir. Hún er líka góð fyrir þá sem eru að meta hvort vefsíðugerð eigi að fela í sér raunverulegan leitargrunn eða bara fallegt yfirborð.

Hvenær á þessi gátlisti við?

Þessi síða á sérstaklega við þegar:

• þú ert að fara í loftið með nýjan fyrirtækjavef
• þú ert að endurhanna eldri síðu og vilt ekki missa núverandi sýnileika
• þú ert að byggja vef sem á að styðja bæði SEO og auglýsingar seinna
• þú vilt ganga úr skugga um að tæknilegur grunnur, efnisröðun og mælingar séu ekki skilin eftir á síðustu stundu

Ef verkefnið er þegar komið í loftið og eitthvað lítur skakkt út, þá er SEO úttekt oft næsta skref. En fyrir launch-vinnu er sterkara að fyrirbyggja vandann en að greina hann eftirá.

Gátlistinn áður en ný vefsíða fer í loftið

1. Ein lykilsíða á að eiga eitt skýrt hlutverk

Algengasta launch-vandamálið er ekki tæknilegt heldur efnislegt. Ný vefsíða fer í loftið með fínni hönnun en of óskýrri skiptingu milli síðna.

Áður en þú birtir vefinn þarftu að geta svarað:

• hvaða síða á að eiga helstu þjónustuna
• hvaða síða á að svara verðtengdum spurningum
• hvaða síða á að taka fræðsluleit
• hvaða síða á að leiða notandann í fyrirspurn eða bókun

Ef sama vefurinn reynir að láta forsíðu, þjónustusíðu og bloggfærslu allar eiga sama intentið verður niðurstaðan oft veik. Þess vegna þarf leitarorðarannsókn og skýr síðuverkaskipting að liggja fyrir áður en designið er lokað.

2. Lykilsíðurnar þurfa að vera skrifaðar fyrir leitina sem þú vilt vinna

Það er ekki nóg að vera með fallegar þjónustusíður. Þær þurfa að taka skýrt á því sem fólk er að leita að, ekki bara því sem fyrirtækið vill segja um sjálft sig.

Áður en launch fer fram skaltu athuga:

• að hver lykilsíða sé með skýran H1
• að title og meta description segi skýrt hvað síðan gerir
• að megintextinn svari fyrstu spurningunum sem notandinn kemur með
• að CTA sé augljóst og passi við stigið sem notandinn er á

Ef þú ert að setja í loftið vef fyrir þjónustufyrirtæki eru þetta oft síðurnar sem þurfa mesta athygli fyrst:

• forsíða
• 1 til 3 mikilvægustu þjónustusíðurnar
• verðtengd síða eða verðskýring ef fólk spyr reglulega um verð
• tengiliða- eða fyrirspurnarsíða

Greinar um on-page SEO og meta titla og meta lýsingar fara dýpra í þennan hluta, en við launch á þetta að vera lágmarksgrunnur en ekki eftiráverk.

3. Staðfestu indexing, canonical og robots áður en þú opnar á umferð

Það er óþarflega algengt að nýr vefur fari í loftið með einhvers konar leif af staging-uppsetningu:

• noindex situr enn á síðum sem eiga að finnast
• robots.txt lokar á efni eða skrár sem eiga að vera sýnilegar
• canonical bendir á ranga slóð
• bæði www og non-www eða HTTP og HTTPS lifa óhreint saman

Þessi hluti á að vera staðfestur áður en launch fer fram, ekki þegar tvær vikur eru liðnar og enginn veit af hverju síðan finnst ekki.

Ef þú vilt lesa opinbera grunnleiðbeiningu frá Google er SEO Starter Guide góður byrjunarpunktur. Fyrir dýpri yfirferð á þessum launch-vandamálum vinna skriðun og indexing, robots.txt og canonical tags vel saman.

4. Search Console og sitemap eiga að vera tilbúin sama dag og vefurinn fer í loftið

Þetta er eitt af þeim atriðum sem fyrirtæki sleppa oft af því það "má gera seinna". Það er veik nálgun.

Þú átt að hafa:

• Search Console property tilbúna
• sitemap staðfesta og aðgengilega
• sitemap sem inniheldur réttar canonical slóðir
• plan um hvaða lykilsíður á að skoða fyrst eftir launch

Google útskýrir sjálft hvernig á að byggja og senda sitemap. Það er ekki trygging fyrir sýnileika, en það stytti oft leiðina að því að Google finni nýju síðurnar og hjálpar þér að sjá hvort eitthvað sé brotið snemma.

5. Innri tenglar og leiðsögn þurfa að færa notandann áfram

Nýr vefur getur verið fallegur og samt veikur ef hann lætur fólk stoppa of snemma.

Fyrir SEO og notendaupplifun þarf að vera skýrt:

• hvaða síður eru mikilvægustu næstu skrefin
• hvort bloggefni styður þjónustusíðurnar
• hvort valmynd, forsíða og CTA-flæði ýti á rétta lykilsíðu
• hvort tenglar vísi á aðalútgáfu slóðarinnar en ekki eldri afbrigði

Þetta er ástæðan fyrir því að góð launch-vinna er líka efnisuppbyggingarvinna. Innri tenglar og efnisuppbygging og innri tenglar verða miklu auðveldari þegar hlutverk síðanna er skýrt áður en vefurinn fer í loftið.

6. Farsími, hraði og grunnframmistaða þurfa að vera nógu góð frá byrjun

Þú þarft ekki að bíða eftir fullkomnu 100/100 skori. En þú mátt heldur ekki setja hægan vef í loftið og kalla það "eitthvað sem verður lagað seinna" ef síðurnar eiga að vinna í leit eða taka á móti auglýsingaumferð.

Áður en launch fer fram skaltu skoða:

• hvernig lykilsíðurnar hlaðast í síma
• hvort stærstu myndir og hero svæði eru óþarflega þung
• hvort CTA, form og lykiltexti séu auðlesin í síma
• hvort notandinn kemst fljótt að því hvað síðan býður og hvað hann á að gera næst

Google lýsir PageSpeed Insights sem blöndu af rannsóknargögnum og raunverulegum notendagögnum. Það gerir tólið gott til að sanity-checka lykilsíður áður en vefurinn fer í loftið, sérstaklega ef þú ert að bera saman gamla og nýja útgáfu.

7. Mælingar eiga að segja þér meira en bara heimsóknir

Ef nýr vefur á að styðja sölu eða fyrirspurnir þarftu að vita hvort hann skilar þeim, ekki bara hvort einhver kom inn á hann.

Lágmarksgrunnur fyrir launch er yfirleitt:

• form submissions eða helstu conversion events
• símtöl ef þau skipta máli fyrir reksturinn
• tenging við analytics eða annað mælitól
• skýr skilgreining á því hvaða aðgerð telst raunverulegt markmið

Annars geturðu endað með fallegan launch og nokkra traffík, en enga skýra mynd af því hvort vefurinn hjálpi fyrirtækinu raunverulega.

8. Ef þetta er endurhönnun þarftu redirect-plan áður en gamla síðan hverfur

Þetta er eitt dýrasta launch-mistakið.

Ef þú ert að skipta út eldri síðum, sameina efni eða breyta slóðum skaltu ekki bíða þar til eftir birtingu með redirects. Þá ertu að gefa frá þér:

• gamla sýnileika
• bakhlekki
• bókamerktar slóðir
• notendur sem lenda á 404

Ekki allar gamlar síður eiga að fá redirect á forsíðu. Sterkari leið er að para gamla slóð við nýja síðu sem á raunverulega við.

9. Ekki troða inn schema eða FAQ bara af því það lítur vel út í tékklista

Við launch sjáum við líka reglulega annað mynstur: fólk reynir að "klára SEO" með því að setja inn alls konar schema, FAQ og tæknimerkingar án þess að spyrja hvort þær passi raunverulega við síðuna.

Sterkari röðin er þessi:

1. skýr síða með skýrt hlutverk 2. réttar slóðir og réttar tæknistillingar 3. mælingar og innri tenglar í lagi 4. schema þar sem það styður raunverulega síðutegundina

Ef þú ferð öfuga leið verður launchið oft tæknilega skrautlegra en viðskiptalega veikara.

Það sem þessi síða á ekki að leysa

Þessi gátlisti er ekki staðgengill fyrir stærri stefnu eða fulla úttekt. Hún á ekki að:

• velja allt leitarorðamengið fyrir heilt fyrirtæki
• laga veik skilaboð eða lélega þjónustustefnu
• meta alla samkeppnina á markaðnum
• leysa djúpt tæknilegt SEO verkefni á eigin spýtur

Hlutverk hennar er einfaldara: að koma í veg fyrir að ný vefsíða fari í loftið með augljósa veikleika sem hefði verið auðveldara og ódýrara að laga fyrir launch.

Fljótleg lokagátlisti fyrir launch-daginn

Áður en þú kveikir á vefnum skaltu geta hakað við þetta:

• helstu þjónustusíður eiga skýrt intent og skýra CTA
• title, H1 og meta description eru tilbúin á lykilsíðum
• engar rangar noindex, robots eða canonical stillingar sitja eftir
• Search Console er tilbúið og sitemap aðgengilegt
• innri tenglar og valmynd vísa á mikilvægustu síðurnar
• lykilsíður virka vel í síma og eru ekki óþarflega þungar
• helstu conversion mælingar eru staðfestar
• redirects eru tilbúnir ef gamlar slóðir eru að hverfa

Ef þetta er ekki í lagi er betra að seinka launch um stuttan tíma en að eyða fyrstu vikum nýja vefsins í viðgerðir sem hefði mátt fyrirbyggja.

Niðurstaða

Sterk ný vefsíða vinnur ekki bara í hönnunarreview-i. Hún þarf líka að standast leit, mælingar og raunverulegt notendaflæði frá fyrsta degi.

Fyrir flest fyrirtæki er besta launch-spurningin því ekki "er síðan tilbúin?" heldur "er grunnurinn nógu traustur til að nýi vefurinn geti byrjað að skila sýnileika og fyrirspurnum strax?"

Ef svarið er óljóst skaltu laga það fyrir birtingu. Það er næstum alltaf ódýrara en að missa momentum rétt eftir launch.